World Library  


QR link for He Moolelo No Kamapuaa
Open EEWOWW
Add to Book Shelf
Flag as Inappropriate
Email this Book

He Moolelo No Kamapuaa

By Kuleana Kope

Click here to view

Book Id: WPLBN0002096929
Format Type: Default
File Size: 2 MB
Reproduction Date: 8/11/2011

Title: He Moolelo No Kamapuaa  
Author: Kuleana Kope
Volume:
Language: Hawaiian
Subject: Non Fiction, Education, Hawaiian Education
Collection: Authors Community
Subcollection: Education
Historic
Publication Date:
1998
Publisher: Hale Kuamo'o
Member Page: Hale Kuamoʻo Hawaiian Language Center

Description
O ka nani o keia moolelo, e ka makamaka heluhelu, aole ia he mea ahuwale. He mea pahaohao kekahi o ka Kamapuaa mau hana i loko no o ke ku ole o ia mau hana i na loina me na kuluma o kona wa. Peia paha e ike ai kanaka e no ke ao akua mai o Kama, a ua paa ia ia ka mana hookalakupua e lanakila ai o ia ma luna o na hoa paio ikaika he nui wale. O na wahi kinaunau nae o Kamapuaa kekahi mea e hoihoi pu ai ka moolelo ia kakou kanaka. Ma kona hanau ia ana, he kino kaula kona, aole hoi he kino kanaka maoli. No kona hooikaika ana no nae, ua pii ko Kamapuaa kulana a kiekie, a lilo pau loa ia ia ka mokupuni o Oahu. Ma anei kakou e ike ai i ka hiki i ka mea haahaa a nawaliwali ke pii i luna a lilo o ia he mea nui a ikaika. Aia hoi ia kakou ka hopena o ka kakou mau hana, no ka hoi hope a holomua paha, no ka pii a haule paha, no ke eo a lanakila paha. E walea mai oe, e ka makamaka heluhelu, i na haawina i helu ia aela ma luna a me na hana kupaianaha a pahaohao e ae he nui wale ma keia kaao no Kamapuaa.

Excerpt
Eia la, ke panee ia aku nei keia moolelo no loko mai o na ulu ohia loloa ma kai mai o Panaewa a i uka la o Waiakea, he kaao no Kamapuaa, he kupua e kaulana nei a puni ka paeaina i kana mau hana kupaianaha me kona ano he akua puaa ku i ke aiwaiwa. No Kamapuaa, he kupua, he puaa, he kanaka; ike ia i loko ona na ano no hoi i paa i loko o kakou pakahi a pau, na hemahema me na ikaika o ke kanaka, he akamai, he kolohe, he apiki, he ikaika ma ke kaua, he aea, he pakela ai (he aiapuaa hoi), he lokomaikai, a he aloha kuhohonu i ka ohana. Ua nui na mana moolelo pili ia Kamapuaa. Kohu mea la, he moolelo ko kela me keia wahi pili ia Kamapuaa a me kana mau hana ma ia wahi. Ua kaulana loa hoi ka moolelo no ko Kamapuaa aihue ana i na moa a Olopana, pela pu no hoi ka pili kapekepeke o laua o Pele. Ua pai mua loa ia keia moolelo me ke pooinoa o He Moolelo No Kamapuaa, ma loko o ka nupepa olelo Hawaii o Ka Hae Hawaii. He nupepa ia i pai ia he hookahi manawa o ka pule ma na makahiki 1856-1861. Ua hoopuka pukaina ia keia moolelo ma na pule moekahi mai ka la 26 o Iune, 1861, a pau ma ka la 25 o Kepakemapa o ia makahiki no, a he 14 ka nui o na mokuna i loaa mai. Ua nui na moolelo hoihoi i pai ia ma loko o kona mau aoao, he mau moolelo no hoi a na mea kakau i nonoke akula i ka ohi a i hoopaa akula ma ka palapala. Na G. W. Kahiolo keia mana moolelo no Kamapuaa, a ua ike ia ko Kahiolo inoa ma na wahi e ae, e laa me Kukini Ahailono, Inoa No Na Laau a me He Mele No Ka Nupepa Kuokoa. He akamai hoi o ia ma kona waiho ana mai i neia moolelo no kakou, na pua e mohala nei ma loko o keia wa e ulu ae nei ka iini o ka lehulehu i ka malama makee i na mea Hawaii. Ua ike no paha o Kahiolo i ka loli nui o ka nohona e hiki koke mai ana ma kona wa. Auhea oukou e na kupa o ka aina, kuu mau hoa hanau o ka pupuu hookahi, na Hawaii e noho ana mai ka ipuka kumulani o ka la hiki ola i Hawaii a i Niihau e lana malie ana i ke kai e napoo molehulehu ai ka la kau, aloha kakou.

 

Click To View

Additional Books


  • Oxford English Dictionary (by )
  • Information Technology Tales (by )
  • From the Mountains to the Sea-Early Hawa... (by )
  • Hawaiian Grammar (by )
  • He Kuhikuhi O Ke Kanaka Hawaii (A Guide ... (by )
  • Ka Mooolelo No Ka Ekalesia O Iesu Kristo... (by )
  • Life in Early Hawaii the Ahupuaa (by )
  • Today's Take on Einstein's Relativity (by )
  • Documents Relating to the Restoration of... (by )
  • Kamehameha and His Warrior Kekuhaupi'O (by )
  • A’Ohe Inoa Komo ‘Ole O Ke ‘Ai (by )
  • Aia I Hea (by )
Scroll Left
Scroll Right

 



Copyright © World Library Foundation. All rights reserved. eBooks from Project Gutenberg Central are sponsored by the World Library Foundation,
a 501c(4) Member's Support Non-Profit Organization, and is NOT affiliated with any governmental agency or department.